បាត់ដំបង៖ កម្លាំងការិយាល័យនគរបាលប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលក្រុងបាត់ដំបង បានចុះប្រតិបត្តិការបង្ក្រាបករណីរក្សាទុក និងប្រើប្រាស់ដោយខុសច្បាប់នូវសារធាតុញៀន ០១កន្លែងក្នុងក្រុងបាត់ដំបង ឃាត់ខ្លួនមនុស្សបាន ១២នាក់ និងគ្រឿងញៀនបានជាង ២គីឡូក្រាម។

សមត្ថកិច្ចនគរបាលប្រឆាំងគ្រឿងញៀនបានឱ្យដឹងថា ការឃាត់ខ្លួនមនុស្សទាំង ១២នាក់ខាងលើធ្វើឡើងកាលពីម៉ោងប្រមាណ ២ និង៤០នាទីរសៀល ថ្ងៃទី១២ ខែតុលា ឆ្នាំ២០២១ នៅចំណុចរ៉ាជង្រុក ស្ថិតក្នុងក្រុមទី០២ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

សមត្ថកិច្ចឱ្យដឹងបន្ថែមថា មនុស្សទាំង ១២នាក់នោះមានអាយុពី២០ ដល់៤៩ឆ្នាំ ក្នុងនោះស្ត្រីម្នាក់ផងដែរ និងបានចាប់យកវត្ថុតាង រួមមានថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ៣០ថង់ ទម្ងន់ ២០,៧៧ក្រាម (ទាំងសម្បក) និងទូរស័ព្ទដៃចំនួន ០៥គ្រឿង និងសម្ភារៈសម្រាប់ប្រើប្រាស់ថ្នាំញៀនមួយចំនួនទៀត ។

ក្រោយពីឃាត់ខ្លួនសាកសួរជនសង័្សយនិងវត្ថុតាងខាងលើ រហូតមកដល់ពេលនេះត្រូវបានសមត្ថកិច្ចកំពុងរៀបចំសំណុំរឿងបញ្ជូនទៅតុលាការអនុវត្តតាមផ្លូវច្បាប់៕